Overview

 

 

IMG 7921

 

በኢትዮጵያ የመጀመሪያው የኤሌክትሪክ ብርሃን አመነጨ ተብሎ የሚነገርለት ከጀርመን መንግስት በ1890 ዓ.ም ገደማ ለአጼ ምኒልክ በስጦታ መልክ የተሰጠው ጀነሬተር ነው፡፡ ከጠላት ወረራ በፊት የተደረገውን ጥናት መሠረት በማድረግ በ1921 ዓ.ም በአቃቂ ወንዝ ላይ ከአዲስ አበባ በስተደቡብ በሚገኘው በአባ ሳሙኤል 95 ሜትር ፏፏቴ ውሃ የሚንቀሳቀሱ ጠቅላላ ጉልበታቸው 3 825 ኪ.ቪ.ኤ የሆኑ ሶስት ቱርቢኖች ተተክለዋል፡፡ተቋሙ ከተቋቋመበት ጊዜ አንስቶ ለተከተታይ ዓመታት ማናጅመንቱ በውጪ ኩባንያዎች ጥምረት ሲመራ ቆይቶ ከ2008 ዓ.ም ጀምሮ ግን ሙሉ በሙሉ በኢትዮጵያውያን ኃላፊዎች እየተመራ ይገኛል፡፡ ጥር 22 ቀን 1948 ዓ.ም በቁጥር 213/1948 በወጣው ቻርተር መሰረት የኢትዮጵያ ኤሌክትሪክ መብራትና ኃይል ባለስልጣን ህጋዊ ሰውነት ያለው ድርጅት ሆኖ ተቋቋመ፡፡ የፖለቲካ ሥልጣን የተረከበው የኢሕአዲግ የአደረጃጀት ለውጥ በማድረግ በሚኒሰቴሮች ምክር ቤት ደንብ ቁጥር 18 ሰኔ 1989 ዓ.ም በደንብ ቁጥር 170/2002 ዓ.ም የኢትዮጵያ ኤሌክትሪክ ኮርፖሬሽን ተብሎ ተሰየመ፡፡ ተጠሪነቱም ለመንግስት የልማት ድርጅቶች ተቆጣጣሪ ባለስልጣን ለመሰረተ ልማት ሚኒሰቴር፡ ለማዕድንና ኢነርጂ ሚኒሰቴር ሆኖ ኃላፊነቱን ሲወጣ ቆይቷል፡፡ በደንብ ቁጥር 303/2006 ዓ.ም የኢትዮጵያ ኤሌክትሪክ ኃይል ኮርፖሬሽን ለሁለት ተከፍሎ የኢትዮጵያ ኤሌክትሪክ ኃይልና አገልግሎት ተብሎ ተደራጀ፡፡

overview1

overview2

 

 

 

 


Print   Email