የህፃናት ማቆያ ማዕከል ግንባታ አጠናቆ አስመረቀ
የአዲስ አበባ ኤሌክትሪክ አገልግሎት የሰራተኞች የህፃናት ማቆያ ማዕከል ግንባታ አጠናቆ አስመረቀ
የተቋሙ ከፍተኛ ሥራ አመራር በሩብ ዓመት የስራ አፈፃፀም ላይ ውይይት አካሄደ
የኢትዮጵያ ኤሌክትሪክ አገልግሎት ከፍተኛ ሥራ አመራር በ2014 በጀት ዓመት የመጀመሪያ ሩብ ዓመት የስራ አፈፃፀም ሪፖርት ላይ ከጥቅምት 11 – 12 ቀን 2014 ዓ.ም ውይይት አካሂዷል፡፡
አዲስ የገቡት የቆጣሪ መመርመሪያዎች ውጤታማ ሥራ እየሠሩ ነው ተባለ
አዲስ የገቡት የቆጣሪ መመርመሪያዎች ውጤታማ ሥራ እየሠሩ ነው ተባለ
ደንበኞች የተጠቀሙበትን ወርሃዊ የኤሌክትሪክ ፍጆታ ሂሳብ በወቅቱ ሊከፍሉ እንደሚገባ ተገለፀ
የድህረ-ክፍያ የኤሌክትሪክ ተጠቃሚ ደንበኞች የተጠቀሙበትን ወርሃዊ ፍጆታ ሂሳብ በወቅቱ ሊከፍሉ እንደሚገባ የዲስትሪቡሽን ሲስተም ምክትል ዋና ስራ አስፈፃሚ አቶ ብዙወርቅ ደምሴ ገልፀዋል፡፡

ከ3 ሚሊዮን ብር በላይ የሚገመት የባቡር የኤሌክትሪክ መሰረተ-ልማት የሰረቁ ግለሰቦች በቁጥጥር ስር ዋሉ

ለአዲስ አበባ ከተማ ቀላል ባቡር የተዘረጉ የኤሌክትሪክ መሰረተ-ልማቶች ላይ የስርቆት ወንጀል ሲፈፅሙ የተገኙ 6 ግለሰቦች በቁጥጥር ስር መዋላቸውን የአዲስ አበባ ኤሌክትሪክ አገልግሎት ገልጷል፡፡

00kabel

በአገልግሎቱ የአዲስ አበባ ቀላል ባቡር ኤሌክትሪክ ኃይል አቅርቦት ማስተባበሪያ ሥራ አስኪያጅ አቶ ቢልቱማ ቂጣታ እንደገለፁት፡- ስርቆቱ የተፈፀመው ከሰኔ 14 ቀን 2014 ዓ.ም እስከ 16 ቀን 2014 ዓ.ም ባሉት ቀናት ነው፡፡

ድርጊቱ ከተፈፀመባቸው አካበባቢዎች መካከል በተለምዶ መሿለኪያ፣ ቂርቆስ ክፍለ ከተማ ፊት ለፊት እና ባምቢስ ወደ ኡራኤል ባለው መንገድ በተዘረጉ የመካከለኛ ቮልቴጅ የኤሌክትሪክ ማስተላለፊያ ኬብሎች ላይ መሆኑን ስራ አስኪያጁ ተናግረዋል፡፡
 
የተዘረፈው የኤሌክትሪክ መሰረተ-ልማት 1 ሺህ 765 ሜትር የሚሽፍን የኤሌክትሪክ ማስተላለፊያ ኬብል ሲሆን፤ 3 ሚሊዮን 829 ሺህ 180 ብር የሚገመት ኪሳራ በተቋሙ ላይ መድረሱንም ገልፀዋል፡፡ግለሰቦቹ በቁጥጥር ስር የዋሉት የአዲስ አበባ ፖሊስ ከፊደራል ፖሊስ እና በአከባቢው በነበሩ የድርጅት ጠባቂዎች በመተባበር መሆኑን የገለፁት አቶ ቢሊሱማ፤ አሁን በካዛንቺስ 6ተኛ ፖሊስ ጣቢያ በምርመራ ላይ እንደሚገኙም ተናግረዋል፡፡
የአዲስ አበባ ፖሊስ ሌሎች በዘረፋው የተሳተፉ ግብረ አበሮችንም ለመያዝ ከፍተኛ ክትትል እያደረገ መሆኑን ተጠቁሟል።በባቡር መሰረተ-ልማት ላይ እየደረሰ ያለው ዘረፋ በከፍተኛ ደረጃ እየተባባሰ የመጣ ሲሆን፤ በ2013 እና በ2014 ዓ.ም ብቻ ግምቱ 29 ሚሊዮን 923 ሺህ 255 ብር የሚያወጣ 18 ሺህ 167 ሜትር ኬብል መዘረፉን አቶ ቢሊሱማ ተናግረዋል፡፡
000kebil
 
ለኤሌክትሪክ መሰረተ ልማት ስርቆት መባባስ ዋናው ምክንያት እጅ ከፍንጅ የሚያዙ ዘራፊዎች ላይ በተቀመጠው ህግና ደንብ መሰርት ተመጣጣኝና አስተማሪ የእርምት እርምጃ እየተወሰደ ባለሆኑ መሆኑንን ጨምረው ገልፀዋል፡፡የአዲስ አበባ ፖሊስ እና ፌደራል ፖሊስ ዘራፊዎቹን በቁጥጥር ስር ለማዋል እያደረገ ያለውን ጥረት አድንቀው፤ የጀመሩትን የክትትልና ቁጥጥር ስራ አጠናክረው እንዲቀጥሉም ጠይቀዋል፡፡
 
እየተዘረፈ ያለው የኤሌክትሪክ መሰረተ ልማት ከፍተኛ የሃገርና የህዝብ ሃብት በመሆኑ ህብረተሰቡ እንደራሱ ንብረት አድርጎ ሊጠብቀው እንደሚገባና አጠራጣሪ ነገር ሲመለከት በአካባቢው ለሚገኘ የፀጥታ አካል ሊያሳውቅ ይገባል ብለዋል፡፡እንዲሁም የአዲስ አበባ ቀላል ባቡር ቢሮም በመሰረተ ልማቱ ላይ የሚደረሰውን ጉዳትና ስርቆት እንዲቀንስ አስፈላጊውን ሁሉ ማድረግ እንዳለበትና የጥገና ሥራው በቶሎ ለማጠናቀቅ እንዲቻል ተገቢውን ክፍያ በወቅቱ መፈፀም እንዳለበት አሳስበዋል፡፡
ወቅታዊና ትኩስ የተቋማችን መረጃዎች ወዲያውኑ እንዲደርሳችሁ እነዚህን የትስስር ገፆቻችንን ይወዳጁ፡-

Print   Email